1ܫܲܟܪܘܼܢ ܠܡܵܪܝܵܐ ܣܵܒܵܒ ܛܵܒ݂ܵܐ ܝܠܹܗ، ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ.
2ܡܵܢܝܼ ܝܠܹܗ ܕܗܲܡܙܸܡ ܥܲܠܔ ܓܲܒܵܪ̈ܘܼܝܵܬܹܐ ܕܡܵܪܝܵܐ، ܝܲܢ ܡܲܫܡܸܥ ܟܠܵܗ̇ ܬܸܫܒܘܿܚܬܹܗ؟
3ܛܘܼܒ݂ܵܐ ܠܢܵܛܪ̈ܵܢܹܐ ܕܕܝܼܘܵܢ، ܥܵܒ݂ܕܵܢܹ̈ܐ ܕܙܲܕܝܼܩܘܼܬܵܐ ܒܟܠܔ ܙܲܒ݂ܢܵܐ.
4ܕܟ݂ܘܿܪܝܼ، ܝܵܐ ܡܵܪܝܵܐ، ܐܝܼܡܲܢ ܕܡܲܚܙܹܝܬ ܒܘܼܣܵܡܵܐ ܠܥܲܡܘܼܟ݂، ܣܲܚܒܸܪܝܼ ܒܦܘܼܪܩܵܢܘܼܟ݂،
5ܩܵܐ ܕܚܵܙܹܝܢ ܛܵܒ݂ܬܵܐ ܕܓܘܼܒܝܘܼ̈ܟ݂، ܩܵܐ ܕܚܵܕܹܝܢ ܒܚܲܕܘܼܬܵܐ ܕܐܘܼܡܬܘܼܟ݂، ܩܵܐ ܕܫܲܒܚܸܢ ܥܲܡ ܝܵܪܬܘܼܬܘܼܟ݂.
6ܚܛܹܐ ܠܲܢ ܥܲܡ ܐܲܒ݂ܵܗܵܬܲܢ̈، ܥܒ݂ܝܼܕ ܠܲܢ ܥܵܘܠܵܐ، ܥܒ݂ܝܼܕ ܠܲܢ ܒܝܼܫܬܵܐ.
7ܐܲܒ݂ܵܗܵܬܲܢ̈ ܓܵܘ ܡܸܨܪܹܝܢ ܠܵܐ ܦܘܼܪܡܹܐ ܠܗܘܿܢ ܥܲܓ̰ܝܼܒܘܼܝܵܬܘܼ̈ܟ݂، ܠܵܐ ܕܟ݂ܝܼܪܗܘܿܢ ܠܦܸܪܝܘܼܬܵܐ ܕܛܲܝܒܘܵܬܘܼ̈ܟ݂، ܐܸܠܵܐ ܥܒ݂ܝܼܕ ܠܗܘܿܢ ܡܵܪܘܿܕܘܼܬܵܐ ܠܟܸܣ ܝܵܡܵܐ، ܝܵܡܵܐ ܕܣܘܿܦ.
8ܐܝܼܢܵܐ ܦܘܼܪܩܵܝ ܠܹܗ ܒܘܼܬ ܫܸܡܹܗ، ܠܡܲܕܘܼܥܹܐ ܓܲܒܵܪܘܼܬܹܗ.
9ܘܢܓ̰ܝܼܘ ܠܹܗ ܒܝܵܡܵܐ ܕܣܘܿܦ ܘܒܪܝܼܙ ܠܵܗ̇، ܘܡܘܼܚܕܸܪܵܝ ܠܹܗ ܓܵܘ ܥܘܼܡܩܹ̈ܐ ܐܲܝܟ݂ ܕܐܸܢ ܓܵܘ ܒܲܪܝܼܵܐ.
10ܘܦܘܼܪܩܵܝ ܠܹܗ ܡ̣ܢ ܐܝܼܕܵܐ ܕܣܵܢܝܵܢܵܐ، ܘܦܘܼܨܝܵܝ ܠܹܗ ܡ̣ܢ ܐܝܼܕܵܐ ܕܕܸܫ̃ܡܸܢ.
11ܘܟܘܼܣܹܐ ܠܗܘܿܢ ܡ̈ܝܼܵܐ ܠܡܲܠܝܸܨܵܢܵܝ̈ܗܝ، ܚܲܕ ܡܸܢܵܝܗܝ ܠܵܐ ܦܝܼܫ ܠܹܗ ܫܒ݂ܝܼܩܵܐ.
12ܘܗܘܼܡܸܢܗܘܿܢ ܒܗܹܡܸܙܡܵܢܘܼ̈ܗܝ، ܙܡܝܼܪܗܘܿܢ ܬܸܫܒܘܿܚܬܹܗ.
13ܓ̰ܲܠܕܹܐ ܢܫܹܐ ܠܗܘܿܢ ܦܘܼܠܚܵܢܘܼ̈ܗܝ، ܠܵܐ ܣܦܝܼܪܗܘܿܢ ܠܡܸܠܟܹܗ.
14ܘܫܘܼܗܘܸܬ ܠܗܘܿܢ ܫܲܗܘܲܬܬܵܐ ܓܵܘ ܒܲܪܝܼܵܐ، ܓ̰ܘܼܪܸܒ ܠܗܘܿܢ ܠܐܲܠܵܗܵܐ ܓܵܘ ܡܲܕܒܪܵܐ.
15ܘܝܘܼܗܒܹܠܔ ܠܹܗ ܐܸܠܵܝܗܝ ܛܠܵܒܬܵܝܗܝ، ܐܝܼܢܵܐ ܫܘܼܕܸܪܹܗ ܒܲܓܝܼܪܘܼܬܵܐ ܒܓܵܢܵܝܗܝ.
16ܘܒܘܼܚܸܠܔ ܠܗܘܿܢ ܒܡܘܼܫܹܐ ܓܵܘ ܡܲܫܪܝܼܬܵܐ، ܘܒܐܲܗܪܘܿܢ ܩܲܕܝܼܫܵܐ ܕܡܵܪܝܵܐ.
17ܦܬܝܼܚ ܠܵܗ̇ ܐܲܪܥܵܐ ܘܒܠܝܼܥ ܠܵܗ̇ ܠܕܵܬܵܢ، ܘܟܘܼܣܹܐ ܠܵܗ̇ ܥܲܠܔ ܟܸܢܫܵܐ ܕܐܲܒ݂ܝܼܪܵܡ.
18ܘܛܦܹܐ ܠܹܗ ܢܘܼܪܵܐ ܓܵܘ ܟܸܢܫܵܝܗܝ، ܠܵܗܵܐ ܠܒ݂ܝܼܟ݂ ܠܹܗ ܒܒܝܼܫܹ̈ܐ.
19ܬܘܼܪܸܨ ܠܗܘܿܢ ܡܘܼܓ̰ܵܐ ܓܵܘ ܚܘܿܪܝܼܒ݂، ܘܣܓ݂ܝܼܕ ܠܗܘܿܢ ܠܨܲܠܡܵܐ ܪܸܡܝܵܐ.
20ܘܡܘܼܚܠܸܦ ܠܗܘܿܢ ܚܸܩܪܵܝܗܝ ܒܕܘܼܡܝܵܐ ܕܬܵܘܪܵܐ ܐܵܟ݂ܠܵܢܵܐ ܕܓܸܠܵܐ.
21ܢܫܹܐ ܠܗܘܿܢ ܠܐܲܠܵܗܵܐ ܦܵܪܘܿܩܵܝܗܝ، ܥܵܒ݂ܕܵܢܵܐ ܕܫܘܼܠܵܢܹ̈ܐ ܓܘܼܪܹ̈ܐ ܓܵܘ ܡܸܨܪܹܝܢ،
22ܥܲܓ̰ܝܼܒܘܼܝܵܬܹ̈ܐ ܓܵܘ ܐܲܪܥܵܐ ܕܚܵܡ، ܣܲܗܡܵܢܘܼܝܵܬܹ̈ܐ ܒܝܵܡܵܐ ܕܣܘܿܦ.
23ܒܘܼܬ ܐܵܗܵܐ ܐܡܝܼܪܹܗ ܕܒܸܬ ܛܲܠܸܩ ܠܗܘܿܢ، ܐܸܢ ܠܵܐ ܟܵܠܹܐ ܗܘܵܐ ܡܘܼܫܹܐ ܓܘܼܒܝܹܗ ܒܬܪܵܥܬܵܐ ܩܲܕܡܘܼܗܝ، ܠܡܲܕܘܼܪܹܐ ܚܸܡܬܹܗ ܡ̣ܢ ܡܲܚܪܘܼܒܹܐ.
24ܘܡܘܼܣܠܹܐ ܠܗܘܿܢ ܠܐܲܪܥܵܐ ܫܘܼܗܘܸܬܬܵܐ، ܠܵܐ ܗܘܼܡܸܢܗܘܿܢ ܠܚܲܒܪܹܗ.
25ܘܛܘܼܪܛܸܡ ܠܗܘܿܢ ܓܵܘ ܡܲܫܟܢܵܝ̈ܗܝ، ܠܵܐ ܫܡܝܼܥ ܠܗܘܿܢ ܠܩܵܠܵܐ ܕܡܵܪܝܵܐ.
26ܘܡܘܼܪܸܡ ܠܹܗ ܐܝܼܕܹܗ ܥܲܠܵܝܗܝ، ܠܡܲܢܦܘܼܠܵܝ ܓܵܘ ܒܲܪܝܼܵܐ.
27ܘܠܡܲܢܦܘܼܠܹܐ ܙܲܪܥܵܝܗܝ ܓܵܘ ܐܸܡܘܵܬܹ̈ܐ، ܘܠܒܲܪܒܘܼܙܵܝ ܓܵܘ ܐܲܪ̈ܥܵܬܹܐ.
28ܘܬܒܝܼܥ ܠܗܘܿܢ ܠܒܥܸܠܔ ܦܥܘܿܪ، ܘܐܟ݂ܝܼܠܔ ܠܗܘܿܢ ܕܸܒ݂ܚܹ̈ܐ ܡܘܼܩܪܸܒܹܐ ܠܡܝܼ̈ܬܹܐ.
29ܘܡܘܼܟܪܸܒ ܠܗܘܿܢ ܐܸܠܹܗ ܒܥܒ݂ܵܕܵܝ̈ܗܝ، ܘܬܪܝܼܥ ܠܵܗ̇ ܒܝܼܵܝܗܝ ܡܚܘܿܬܵܐ.
30ܩܝܼܡ ܠܹܗ ܦܝܼܢܚܸܣ ܘܥܒ݂ܝܼܕ ܠܹܗ ܡܸܨܥܵܝܘܼܬܵܐ، ܘܦܝܼܫ ܠܵܗ̇ ܡܘܼܟܠܝܼܬܵܐ ܡܚܘܿܬܵܐ.
31ܘܦܝܼܫ ܠܵܗ̇ ܚܘܼܫܒܸܢܬܵܐ ܐܸܠܹܗ ܠܙܲܕܝܼܩܘܼܬܵܐ ܠܕܵܪܵܐ ܘܕܵܪܵܐ ܗܲܠܔ ܥܵܠܲܡ.
32ܘܩܵܡ ܡܲܟܪܸܒܝܼ ܠܹܗ ܥܲܠܔ ܡ̈ܝܼܵܐ ܕܡܪܝܼܒ݂ܵܐ، ܘܗܘܹܐ ܠܵܗ̇ ܣܪܝܼܬܵܐ ܠܡܘܼܫܹܐ ܡܥܸܠܬܵܝܗܝ،
33ܣܵܒܵܒ ܡܘܼܟܪܸܒ ܠܗܘܿܢ ܠܪܘܼܚܹܗ، ܘܒܘܼܠܒܸܠܔ ܠܹܗ ܒܣܸܦܘܵܬܘܼ̈ܗܝ.
34ܠܵܐ ܛܘܼܠܸܩ ܠܗܘܿܢ ܠܥܲܡܡܹ̈ܐ، ܐܲܝܟ݂ ܕܐܡܝܼܪܹܗ ܡܵܪܝܵܐ ܐܸܠܵܝܗܝ.
35ܐܝܼܢܵܐ ܚܒ݂ܝܼܛ ܠܗܘܿܢ ܒܐܸܡܘܵܬܹ̈ܐ، ܘܝܠܝܼܦ ܠܗܘܿܢ ܦܘܼܠܚܵܢܵܝ̈ܗܝ.
36ܦܠܝܼܚ ܠܗܘܿܢ ܠܨܵܢܲܡܵܝ̈ܗܝ ܘܗܘܹܐ ܠܗܘܿܢ ܐܸܠܵܝܗܝ ܠܢܸܫܒ݂ܵܐ.
37ܘܕܒ݂ܝܼܚ ܠܗܘܿܢ ܒܢܘܿܢܵܝ̈ܗܝ ܘܒܢܵܬܵܝ̈ܗܝ ܠܫܹܐܕܹ̈ܐ.
38ܫܘܼܦܸܟ݂ ܠܗܘܿܢ ܕܸܡܵܐ ܙܲܟܵܝܵܐ، ܕܸܡܵܐ ܕܒܢܘܿܢܵܝ̈ܗܝ ܘܕܒܢܵܬܵܝ̈ܗܝ، ܐܲܝܢܝܼ ܕܕܒ݂ܝܼܚ ܠܗܘܿܢ ܠܨܵܢܲܡܹ̈ܐ ܕܟܢܲܥܢ، ܘܦܝܼܫ ܠܵܗ̇ ܟ̰ܘܼܦܠܸܢܬܵܐ ܐܲܪܥܵܐ ܒܕܸܡܹ̈ܐ.
39ܗܘܹܐ ܠܗܘܿܢ ܛܲܡܐܹ̈ܐ ܒܦܘܼܠܚܵܢܵܝ̈ܗܝ، ܘܙܢܹܐ ܠܗܘܿܢ ܒܥܒ݂ܵܕܵܝ̈ܗܝ.
40ܒܘܼܬ ܐܵܗܵܐ ܚܝܼܡ ܠܵܗ̇ ܟܲܪܒܵܐ ܕܡܵܪܝܵܐ ܥܲܠܔ ܥܲܡܹܗ، ܘܓܘܼܢܓܸܙ ܠܹܗ ܡ̣ܢ ܝܵܪܬܘܼܬܹܗ.
41ܣܘܼܦܝܵܝ ܠܹܗ ܒܐܝܼܕܵܐ ܕܐܸܡܘܵܬܹ̈ܐ، ܘܗܘܼܟܸܡ ܠܗܘܿܢ ܥܲܠܵܝܗܝ ܣܵܢܝܵܢܵܝ̈ܗܝ.
42ܡܘܼܠܝܸܨܵܝ ܠܗܘܿܢ ܕܸܫ̃ܡܸܢܵܝ̈ܗܝ، ܘܦܝܼܫ ܠܗܘܿܢ ܙܘܼܒܛܸܢܹܐ ܬܚܘܿܬ ܐܝܼܕܵܝܗܝ.
43ܪܵܒܵܐ ܓܵܗܹ̈ܐ ܦܘܼܨܝܵܝ ܠܹܗ، ܐܝܼܢܵܐ ܐܵܢܝܼ ܥܒ݂ܝܼܕ ܠܗܘܿܢ ܡܵܪܘܿܕܘܼܬܵܐ ܒܚܘܼܫܵܒ݂ܵܝ̈ܗܝ، ܘܦܝܼܫ ܠܗܘܿܢ ܡܘܼܟܸܦܹܐ ܒܥܵܘܠܵܝ̈ܗܝ.
44ܐܝܼܢܵܐ ܚܙܹܐ ܠܹܗ ܐܘܼܠܨܵܢܵܝܗܝ، ܐܝܼܡܲܢ ܕܫܡܝܼܥ ܠܹܗ ܠܓܥܵܝܬܵܝܗܝ،
45ܘܒܘܼܬ ܕܝܼܵܝܗܝ ܕܟ݂ܝܼܪܹܗ ܘܲܥܕܹܗ، ܘܦܫܝܼܡ ܠܹܗ ܐܲܝܟ݂ ܦܸܪܝܘܼܬܵܐ ܕܛܲܝܒܘܼܬܹܗ.
46ܘܝܘܼܗܒܹܠܔ ܠܹܗ ܐܸܠܵܝܗܝ ܪ̈ܲܚܡܹܐ، ܩܲܕܡ ܟܠܵܝܗܝ ܠܲܒܠܵܢܵܝ̈ܗܝ ܠܐܲܣܝܼܪܘܼܬܵܐ.
47ܦܲܪܸܩ ܠܲܢ، ܝܵܐ ܡܵܪܝܵܐ ܐܲܠܵܗܲܢ، ܘܓ̰ܲܡܸܥ ܠܲܢ ܡ̣ܢ ܐܸܡܘܵܬܹ̈ܐ، ܕܫܲܟܪܲܚ ܠܫܸܡܵܐ ܕܩܘܼܕܫܘܼܟ݂، ܕܫܲܒܚܲܚ ܒܬܸܫܒܘܿܚܬܘܼܟ݂.
48ܒܪܝܼܟ݂ܵܐ ܝܠܹܗ ܡܵܪܝܵܐ ܐܲܠܵܗܵܐ ܕܐܝܼܣܪܵܐܹܝܠܔ، ܡ̣ܢ ܥܵܠܲܡ ܘܗܲܠܔ ܥܵܠܲܡ، ܘܐܵܡܹܪ ܟܠܹܗ ܥܲܡܵܐ ܐܵܡܹܝܢ. ܗܲܠܸܠܘܼܝܵܐ
