Numbers 14

6

13

14

20

21

22

23

24

25

27

33

35

¹Ma nai waguvaraina rava anatapui i tou mara.

²Taui anatapui Moses ma Aaron i viḡaviei i pa, “Airake au Egypt ata iraḡe ota! Bo weka au mutulua.

³Aiwai aubaina Bada e nainaieta wei au dobuna da ravai sodei ina viraḡenita ma awawata ma natunatuta ina pani-naiei. I ai kaua da tata wanaviraita au Egypt.”

⁴Ma taui i babani vivira i pa, “Bada tana vinei da ina naiana-meleta au Egypt.”

⁵Anina ma Moses ma Aaron i mae-ḡaira da naoi au doa Israel patarana au matai.

⁶Nun natuna Joshua ma Jephune natuna Caleb ruaḡai, taui maiteni dobu i tuvirevirei, ai gara i sikai,

⁷ma mai Israel anatapui i riwei, “Dobuna anatapunana a naeni ma a tuvirevirei ma dobu maumaurana.

⁸Mepa da Bada nuanuana ina ai awarita ma ina ruieta dobuna maumaurana awarina, weka sia ma lam eḡa anibaiana.

⁹Wate Bada eḡa ona viḡaviei. Ma ravai dobuna e maemaeni eḡa ona rovoei, tana viaḡaḡana-opunei. Taui ai agu eḡa. Tauta Bada maiteni ta mamae! Ravai eḡa ona rovoei!”

¹⁰Mai Israel Caleb ma Joshua ḡaimei ita viraḡeni wate Bada ana borumana i eḡa numagara au tepana.

²⁶Bada Moses ma Aaron i riwei,

²⁷“Wei ravai apoapoe ai beura awariu a nonora, iauei! Mai Israel ai pariviravira awariu a nonori.”

²⁸Wenanare ma paribelei, “Bada i riwa, ‘Tau wavauei a ririwa da aiwai o vivibaḡei, nanare ana kauei.”

²⁹Taumi au mutulua tupuami urabovai ina nae. O pari-virevireu aubaina taumi ami madeḡa 20 ma e ḡeḡae ona iraḡe.

³⁰A parivainuaḡami da wei au dobuna ota mae wate eḡa aiai tagogi wei au dobuna ina rui anina Jephune natuna Caleb ma Nun natuna Joshua.

³¹Ma o ririwa da natunatumi ina vaia ai panipani, wate taui kampa ana ruiei da dobuna o gedugeduaieia ina maeni.

³²Wate taumi patarami tupuami au mutulua ina bova-nae.

³³Eḡa ota vipatutu ma lamna aubaina natunatumi ina vinuapoapoe au mutulua ma ina kovoḡi da ina viḡamoḡamo-nae da madeḡa 40 ina kwa nai maranaina taumi kimta magurimi ona iraḡe-pai.

³⁴Aupom 40 dobuna o tuvirevirei lamna aubaina ana kovoḡimi da madeḡa 40, au pom tagogi maiana madeḡa tagogi. Ami ḡoʼapoapoei aubai au kovoḡa malana ona vaia.

³⁵Tau Bada, A riwa! Tau wei ana kauei taumi ḡoʼapoapoe ravami anatapumi awarimi. Ami rava maiteni o vitagogiemi ma o viḡavieu. Taumi anatapumi au mutulua ona kwa, taumi weka ona iraḡe.