Numbers 13

6

13

14

20

21

22

23

24

25

27

33

35

¹Bada Moses i riwei i pa,

²“Mai Israel ai dam 12 au orai rewapana tagotagogi ava ma vinei, da ma paritawanei da Canaan dobuna ina ivui, wei dobuna mai Israel a vereverei.”

³Ma Bada i ririweia nanare Moses i kauei. Mai Israel ai dam 12 babadai i paritawanei. Taui ai ḡaravu au mutulua Paran i voterei da i nae au Canaan.

¹⁷Maranai Moses ravai i paritawanei da dobuna ita ivui ma i riwei i pa, “Au Negev ona virautua da dobu violaolana ona naeni da au navanava ḡelauna.

¹⁸Dobu ona tuvirevirei, ma ana patara ona inanai menanare, rava ai maḡa ma ai rewapana bo ai ḡokokokara?

¹⁹Doa maumaurana bo eḡa? Ai melaḡai ona tuvirevirei, garigarina bo e mamae lota?

²⁰Doa maumaurana bo eḡa? Ai e gogogo bo eḡa? Ma ona kauana-guratei da ai anoi ḡelaui ona purai da ona neiai.”

²¹Anina ma taui dobuna i naeni, au mutulua Zin i vikarei ma dobuna i naeni da au gia dewadewana au Rehob, wei lamna Lebo Hamath au ḡereḡerena.

²⁵Au pom 40 taurauivu dobu i tuvirevirei ma i nememei,

²⁶I nei Moses, Aaron ma Israel patarai awari au Paran mutuluana au Kadesh ma ai anoi au dobuna i vaivaia i viatataiei. Ma i pariverei i pa, “U paritawanelai da dobuna a ivui, marina grape ana ḡou marana ma a inanai da ani ipi gabuna aiaina ma doa maumaurana, ma aina anoi ḡelaui a neiai da ona inanai.

²⁸Wate kampa rava ḡaiḡaiawai e mamae, ma ai melagai i rata kaua ma i gari-kwaviviroi da eḡa ḡavia ina rui. Ma kampa mai Anak a inanai.

²⁹Mai Amalek au mutulua Negev e mamae, ma mai Hitti mai Jebus ma mai Amori au ola e mamae ma mai Canaan au gera, Jordan wairana au ririvana e mamae.”

³⁰Ma Caleb, rava i riwei da i genuana ma i riwa i pa, “Tana nae dobuna ravai tana virubai ma dobuna tana vaia!”

³¹Wate taurauivu maiteni i ḡeḡae i pa, “Eḡa! Ravai i virewapana kaua eḡa me tauta. Eḡa tana viḡaviei.”

³²Ma nanare taui nai dobuna ana apoapoe riwana i vibabarai mai Israel awari i pa, “Nai eḡa ani ipi doana aiaina ma rava manamanai ma ḡaiḡaiawai kampa e mamae.

³³Ma kampa rava ḡaiḡaiwai Mai Nephili a inanai (Mai Anak noinoii) tauai a inana-meleiai lamna me kapau ma nanare taui au matai lamna tauai me kapau.”