Numbers 20

6

13

14

20

21

22

23

24

25

27

33

35

¹Nawaravi au vouna mai Israel anatapui au mutulua Zin i ḡeta ma au Kadesh i rauḡaravu. Weka Miriam i ʼraḡe da i doboi.

²Kampa Waira eḡa ma lamna aubaina taui i vitagogiei ma Moses ma Aaron ai ḡavia i vomairi,

³ma Moses maiteni i viparipariniḡai i pa, “Rorova varevareiai maiteni ata iraḡe tagogi Bada au matana!”

⁴Aiwai aubaina Bada ana rava u neiai au mutulua ana ḡamoḡamoi da ina iraḡe

⁵Aiwai aubaina Egyptei u tere-opunelai ma u neiai wei dobuna apoapoena awarina? Weka eḡa ani ipi doana aiaina da witi da damala aina bo grape warami bo Pomegranates aina ina gogo, ma eḡa waira aniuma!

⁶Moses ma Aaron, patara i voterei ma i nae Bada ana numagara au metaetana ma i mae-peu au doa ma i raudune. Ma Bada ana borumana i eḡa.

⁷Ma Bada Moses i riwei,

⁸“Am jiḡona ma vaia ma tuam Aaron maiteni rava ona vitagogiei. Ma au matai kira awarina ma babani ma ana waira ina veremi. Nanare waira kirei ina opu da Israel patarana ina uma ai ḡamoḡamo maiteni.

⁹Anina ma Moses jiḡona Bada au naona i vaia, i ririwei nanare.”

¹⁰Ma Moses ma Aaron dam Israel i vitagogiei kira au naona ma Moses i riwa, “Ora potapotami! Ona genuana! Tauai waira kira au orana ana tere-opuniai aubaimi!”

¹¹Ma Moses ana jigona i voepai ma kira i ravi mara ruaḡa. Ma waira ḡaeḡaena i ruba-opu da rava ma ḡamoḡamo i uma.

¹²Anina ma Bada, Moses ma Aaron i riwei, “Taumi eḡa ota vitumaḡana-kaueu da Tau vivivireu ami dam Israel au matai, ma lamna aubaina taumi eḡa wei ravai ona ruiei dobuna a vereveremiana awarina.”

²³Au ola Hor, Edom ana au parata, kampa Bada Moses ma Aaron i riwei,

²⁴“Taumi riwau o rauaḡaiḡaiei au Meribah ma lamna aubaina, dobu mai Israel a verevereia, Aaron kampa eḡa ina rui. Tauna noinoina ina votaḡoi.

²⁵Aaron ma natuna Eleasar ma taravaia ma ma ḡaei au ola Hor.

²⁶Kampa Aaron ana pirisi garana ma votawanei ma natuna Eleasar ma vioteni. Aaron kampa ina iraḡe ma noinoina ina votaḡoi.”

²⁷Moses Bada i ririwei i kauei. Taui ola i ḡaeni, mai Israel anatapui au matai.

²⁸Moses Aaron ana pirisi garai i votawanei ma natuna Eleasar i vioteni. Ma kampa ola au tepana Aaron i ʼraḡe. Ma Moses ma Eleasar i ḡaira memei.

²⁹Maranai patarana i aramanei da Aaron i ʼraḡe ma i touei da au pom 30.