Miti Mânec 88:3-9

³Maŋ qâqâtâc‐nanezi ʒâic manaku gapeckekac, â juju‐nanezi hâmoc hae bâqiŋkekac.

⁴Ŋiczi nore manapie nombâŋko hukopac ekac, jujure tâpiri‐nanezi hesackekac.

⁵Qâŋɋâŋne jaŋere ŋondeŋko fokopac tinac ekac, qâhâmoc‐jopakicne ʒâŋeruŋko foeŋgopieŋ iŋucne tinac; erâ megaonec batarac‐jopakicne, eme mocwâc mi manasuc‐jopaekic jaŋe iŋucne.

⁶Go biac mâreŋmaŋko tuŋnutec hukopac, nombâŋ ʒorao, duŋdapâc maŋko.

⁷Kimbeŋgezi mâretec ŋemacnukac, â sirigezi qâurucnu‐fârekac.

⁸Go âgofâc‐nane ejaretec bâec banareŋgopieŋ, jaŋe nore manapie wiac hâhâwicne ekac; motâc henarekicnere qiŋquŋkehuc fokopac.

⁹Ʒâic busâqoczi enarekume ʒâŋe‐nane sisifucne ekac; no ʒoaŋ sâc, Wofuŋ, go wâsicguhuc foekopac, me jahec‐nane goraopec sicnehuc juekopac.