Mboe 88:3-9

³Pa pataŋana boozomen ilol yo lup kek, ma iŋgi be aŋsula leŋ Andewa i.

⁴Tomtom tire yo kembei aŋbot la naala kezeene kek. Pa mburoŋ imap kat.

⁵Iŋgi tizem yo ma aŋbombooreŋ sorok kembei ta zin wal meeteŋan. Nio kembei zin wal ta tikas zin ma timetmeete, mi tipiri zin sula naala, mi nu motom iŋgalŋgal zin mini som, mi kampe zin mini som.

⁶Nu ur yo sula kat naala ta usomŋana i, mi zugut biibi ilol yo.

⁷Ketem malmalŋana ku, ta ikoto yo, mi ilol yo kembei ta duubu biibi ipol ma isalakaala yo.

⁸Nu kam ma waeŋ bizin timbotmbot molo pio. Mbulu ta kam pio i, ina ikam ma wal tio timototo mi lelen be tire yo risa som. Iŋgi kembei aŋbotmbot lela ruumu sanaana, mi leŋ zaala sa tabe aŋyooto pa na som.

⁹Tana pataŋana tiŋgi ikam yo ma mburoŋ imap kat. O Yooba, aigule ta boozomen nio aŋwidit nomoŋ isala kor, mi aŋtaŋroro u be uulu yo.