Kölfel 88:3-9

³Pun chomong riaföü ra toriei, pwe üa arap ngeni ai üpwe mäla.

⁴Üa alealong lein chokewe mi tolong lon peias. Ngang eman mwän esap wor ai pöchökül.

⁵Üa usun eman mi pöütüla me lein ekewe somä, usun ekewe mi ninnila ra kon lon peias, pwal usun chokewe en kosap chüen chechemeniir, pun ka ärirewu seni om tütümwün.

⁶Ka aturueilong epin ewe peias, lon ewe leni mi rochopwak o alolol.

⁷Om lingeringer a chouitiei, üa pwölüla fan usun chök ai pwölüla fän no.

⁸Ka föri pwe chiechiei kewe ra likitieila. Ka föri pwe ngang och mettoch mi anioput me rer, üa mwöchülong lon fötek pwe üsap tongeni süla.

⁹Mesei ra toputopula ren ai riaföü. Iteiten rän üa kökköruk, ai Samol mi Lapalap, üa aitietä pei ngonuk lon ai iotek.