Miti Mânec 44:17-25

¹⁷Nâŋe gore mi nikec‐nâpoha, â ʒâʒâficge mi hetâcnehuc eatucguhapene, wiac sasawa i sifu fai‐nâŋecko fewec.

¹⁸Maŋnâŋeczi go mi râpecguhame, â kike‐nâŋeczi hatage mi kizuhame,

¹⁹go sifu kâte qâto jaŋere hae mâreŋko qanʒaŋ‐nâpohuc duŋdapâc maŋnao râec‐nâpomeŋ.

²⁰Anutu ʒâŋegere nikec‐nâpozacko, me nemuɋâŋ jabane numu hefârec ejarenʒapeŋko,

²¹Anutu goki mi hone tarac‐nâponʒaŋ me? Go ŋicmaŋko dâŋ soŋne mana jaŋgeŋkeekic i!

²²Aricne, gore erâ ʒoaŋne ʒoaŋne qa imac enâreeŋgopieŋ, â lama qa hezuc eejarene jaŋere sâcko râec‐nâpoŋgopieŋ.

²³Wofuŋ, qiriŋ qac! Wemocte guŋ fokomec? Mana ɋâɋârec! Bebehe sanaŋ mi behec‐nâpoc!

²⁴Wemocte ʒâŋe maige bâsoŋkekomec, ehuc imac‐nâpokicne â bâuruŋ‐nâpokicne irec nikecgukac?

²⁵Jei, maŋ qâqâtâc‐nâŋec i rufeo bâutuckekicne; sahac‐nâŋec i mâreŋko bohotarâ fokac.