Gesami Hea:su 44:17-25

¹⁷Amo hou huluane da ninima doaga:i dagoi. Be ninia da Di hame gogolei. Ninia da sema gousa:su amo Di ninima hamoi, amo hamedafa fi.

¹⁸Ninia Dima fa:no bobogebe hame yolesi. Ninia da Dia hamoma:ne sia:i nabawane hamonanu.

¹⁹Be Di da fedege agoane nini sigua ohe amoga gasomoma:ne udigili yolesi. Di da gasidafa amo ganodini esaloma:ne nini yolesi dagoi.

²⁰Ninia da ninia Godema nodone sia:ne gadosu amo yolesi ganiaba amola ga fi ogogosu ‘gode’ ilima sia:ne gadoloba,

²¹Di da amo dafawane ba:la:loba. Bai Di da ninia muguniai asigi dawa:su huluane dawa:. Be ninia da Di hame yolesi.

²²Be ninia Dima fa:no bobogebeba:le, eso huluane bogosu ba:lala. Ninima ha lai dunu da dunu amo da sibi medole legelala amo defele nini medole legelala.

²³Hina Gode! Di nedigima! Dia abuliba:le golai dianabela:? Disu wa:legadoma! Ninima higa:iba:le, eso huluane nini mae yolesima!

²⁴Dia abuliba:le ninima wamoaligi dianabela:? Ninia se nabasu amola bidi hamosu amo mae gogolema!

²⁵Ninia da osoboga gala:la daha. Ninia enoga hasali dagoiba:le, osobo gulu da:iya diafula.