Ola Saam 44:17-25

¹⁷Ol dislot ting na bin hepin langa melabat, nomeda melabat nomo bin fogedabat yu o breigim det strongwan pramis weya yubin meigim garram melabat.

¹⁸Melabat nomo bin tenawei brom yu, en melabat nomo bin libum det roud weya yu shoum melabat.

¹⁹Bat yubin jis libum melabat langa ola wailwan enimul. Yubin libum melabat langa brabli dakbala pleis.

²⁰If melabat bina stap weshipbat melabat God, en stat preipreibat langa najawan drimin,

²¹yu bina faindat en sabi streidawei, dumaji yu sabi ebrijing weya melabat jinggabat langa melabat main.

²²Bat dijan im langa yu bingga weya melabat gitkil olataim. Dei tridim melabat jis laik ship weya im redi blanga gitkil.

²³Yu weikap na YAWEI! Wotfo yu silipsilipbat? Yu gidap! Yu nomo gibit melabat bekboun olagija.

²⁴Wotfo yu haidim miselp brom melabat? Nomo fogedabat melabat pein en trabul.

²⁵Melabat buldan langa graun. Melabat leidan langa das. Wibin lus.