Sam 44:17-25

¹⁷Kxmule-esz' nzprtzmqng bagr da lcng A' trmrbrtru mz drtwrgr nim x Nzesz'tikr Drtwrgu.

¹⁸Kxmule-esz' traxtxpekru nim, X o-zli-zvzkr nzti rm,

¹⁹A' katrpzme nigr mz mq enqmi rgrng mz nzrnzbrti-krdr nigr, mz nzapu-krdr kuli kzpetong. X nzaovxiolr nigr x kzdung nigr nzyrtzmqpeng mz gq.

²⁰Gct rgr, nzmu navecpx-lzbqmgr bam, Mz nzangio-krgr gct kzble,

²¹Tryc-kapqpwzu bam, Murde obqplxq nabzgr.

²²A' mz nzngini-krgr doa nemqng, vz zvz nznibqti-krdr nigr, Mz nzapusr-krdr nigr sip kcng tzmnc-nabung mz nzrnibqngr nidr.

²³Kxetu rgr, bzkq esablqme. ?Memule tro-lxlvr-ngrpwe'u bagr? Vz-anim, x bzkq pxtxpx-ngrn nigr.

²⁴Lxlvrm bagr, Mz nzdcpxkr mz drtwrm nzetqkr drtqgr x nzkxpu-krgr.

²⁵Drtwrgr esz'tipe kx sa nabzpekr, Mz nztangqgxlz-krmgr mz drtc'.