Miti Mânec 41:4-12

⁴No ine mupo, “Wofuŋ go aki anonoc enarec; bâpiaŋnuc, no sâqocne bahuc bugao bapo hâcne.”

⁵Râsifâc‐nane jaŋe qaisocnuhuc ʒiŋuc muŋgopieŋ: “E wezimucko hâmome ʒâŋe‐ticne omaeocmu?”

⁶Moc e iqicnuocte fisiekac e eatuc dâŋ muekac, ehuc maŋnezi wiac repicne mana biric eekac; izi hae ʒoŋao hurâ muiŋ musawec eekac.

⁷Qaisocnueŋgopieŋ sasawa jaŋe saŋucko dâŋ muc manac eeŋgopieŋ; wiac gâgâpâcne fua‐nareocte mamanasu gie baeŋgopieŋ.

⁸Ehuc ʒiŋuc mueŋgopieŋ: “Wiac repicne moczi sahacnao bohotajec, irec fokackonec mocwâc mi fahareocmu.”

⁹Erâ wâc âgo fâri‐nane, maŋzi ʒâfickehuc jupo, erâ nânâ wirec nâ juperec, eki wâc bunaneo bakac.

¹⁰O Wofuŋ, go ine aki anonoc enarezemec, ehuc mocwâc ɋiɋicne bacnutec okacne bâtikie‐jarezepac.

¹¹Râsi‐nanezi bawahacnurâ saoreŋ mi qaocmuo, ine ʒiŋuc mupemu: Go nore mana biaŋkekomec.

¹²Go ine maŋtaniŋ juekopacte dopecnuhuc jumeŋ, erâ âkendâŋnutec maigao domahuc jaha juekopac.