Tingtoeng 41:4-12

⁴Kai loh, “BOEIPA, nang taengah ka tholh oeh tih, kai n'rhen lamtah ka hinglu he hoeih sak lah,” ka ti.

⁵Ka thunkha rhoek loh kai he, “Me vaengah nim a duek vetih a ming a paltham ve,” tila a thae a thui.

⁶Hmuh hamla aka pawk boeih tah a lungbuei khaw a poeyoek lam ni a cal. Amah ham boethae a coi tih, vongvoel la a pha neh a thui.

⁷Ka lunguet boeih loh kai he a thae la m'moeh uh dongah kai taengah tun sisuk uh.

⁸“Anih tah a olka aka muen loh a kap thil tih a yalh atah thoh hamla koei mahpawh.

⁹Ka ngaimongnah hlang te tah amah dongah ka pangtung dae, ka buh aka ca long ni kai taengah a khodil a taloeh.

¹⁰Tedae BOEIPA nang loh kai n'rhen lamtah amih khoboe te thuung ham kai n'thoh lah.

¹¹Ka thunkha rhoek te kai soah a yuhui pawt dongah kai taengah na naem te ka ming.

¹²Kai khaw kamah kah thincaknah neh kai nan duel tih kumhal namah hmai ah kai nan khueh.