SALAMO 41:4-12

⁴Lau nato “Iehova e, a bogagu hisi, ba hamaurigu; badina be lau ese vada na kara havara henimu”.

⁵Lau inaigu ese e maumauraigumu, e tomu “Edena nega ai baine mase? Ia ladana na edena nega ai baine boio?”

⁶Ta dekegu ai e maimu negana ai, ia ese hereva asi anidia e gwauraimu. Lalo-hadai dikadia na lalona ai e haboumu; bena e raka lasimu, e piu rohorohomu.

⁷E inai henigumu taudia iboudiai ese lau e hemaunulai henigumu, ihadikagu daladia e haeromu.

⁸Idia na e tomu “Gorere dikana ese vada e abia, ena hekure gabuna amo basine tore isi lou”.

⁹Turagu lalokauna danu, na abidadama heniava tauna, egu aniani e aniava tauna, ia ese danu ia ae-geduna amo vada e lahagu.

¹⁰Iehova e, oi ese ba bogagu hisi; bavabigu isi, bena davadia do baina henidia.

¹¹Ini amo lau dibagu oi ese o lalo namo henigumu, inaigu ese se hadareregu dainai.

¹²Oi ese vada o haginigu tore, egu kara maoromaoro dainai; oi vairamu ai vada o haginigu hanaihanai.