Miti Mânec 12:2-7

²Mâmâc sasawa eeatuc eec eeŋgopieŋ, maŋjeŋicko râsidâŋ foha micbipic‐jeŋiczi âgodâŋ eeŋgopieŋ.

³Micbipic wokemaŋ rua‐jareekac, â nameŋ penaroŋ dâŋ muekac, i Wofuŋzi hetâcne‐jarezac me!

⁴Jaŋe ʒiŋuc mueŋgopieŋ: “Nameŋ‐nâŋeczi sanaŋkenaŋmu, micbipiczi bafic‐nâpoha mozi bawahac‐nâpoocmu?”

⁵Qarâ suriŋne jaŋere ʒârâ hâriŋte erâ, â tac qararacne jaŋere kio wâwâsicte erâ Wofuŋzi mukac, “No ʒiŋuczia faharerâ maŋhâhâŋ ejarekac jaŋe juju biaŋ jarepemu.”

⁶Wofuŋte mumupaŋ dâŋ i dâŋsaric, siliwa uucne kuʒio arec 7 rikekupie opâ eekac, ehuc ɋaɋac taeŋne fuaekac iŋucne hâcne.

⁷O Wofuŋ, go dâŋ i basanaŋkehuc sabec‐nâpozemec, eme ŋicguru ʒi jaŋe wiac moc mi enârenʒepieŋ,