Psalms 12:2-7

²Kariimet suen la nunga saki den kawel nunga manorsan; nuguring te den welang balsan, bare nongomang ningi kawel biya aniso.

³Buta se Yawe, kariimet den welang kawel nuguring te aratuwoso mu nuguring kaloko! Ale kariimet nunumi patawu se anira mu betela nuguring kaloko!

⁴Nuna balsan, “Anananga munak den te anapeya mel ko kuesan mu tanakkowo. Kari bo ta ana nagiring me kalokko; ana aguwaya balnakko mu am balnakko,” ma balsan.

⁵Bare Yawe iwita balso, “Ani kariimet kituwura nunga bita maguwusan se nongota nunumi sangarmonko me terong, mu nunga niara kikira ikiem; ale aitak barasik ale kariimet memek mu nuguting te nunga giek ale nunga bituekko.”

⁶Se Yawe ko den mu nunguningta se nikim garagar, silver tom seven ko, tama kowar tamatama mu te kaisan ale palungursan se nikim kapawoso wore toroman.

⁷Se Yawe, ana ikisan, ni kariimet memek mu nunga, nanga bitaru se pempem ningo la baganakko.