Godigo Nogi Ugwaba Sabo Tęąbi Po Wabo Buku Dabe 12:2-7

²Te tigidali bidigo te gasa bidi dabeba tibo po wabo da. Te homu bega sabo pogo augwali te geagano bilibo tiwai ebo dao.

³Genuai Bidi, nago te homu bega sabo po wabo bidi dabe pedauwali paniama, tama te hagoma ebo bidi dabe pedauwali me paniao.

⁴Te bidi dabego te tama po wai, “Te dena digi dena homugo po waibao,” wai. “Te mena bidi mego da me paligobeo,” wali. “Dego da tonalubo dawe?”

⁵Tiali goli, Genuai Bidigo te tama po wai, “Te megi da, ena asaibao, magi baso meni, te magi doado bage meni yai bidi dabe te bidi dabego aiyaba elaluai. Tama te dene me sęgę tolali bidi dabe, te augwaligo gela udali. Te eno augwali te bugagia bidabo te augwa sainu tonaluali madi, teba muaibao,” wali.

⁶Godigo dąų walali po te mu po naga dao. Agai po te wiegi yai mu, te wiegi yai kapa silva tiwai dao, tama te silva augwaligo te a naga olama, nogo me badu si, te tama sogo siaba ulama, te dwasianu meda mu meni yai tiwai mu dao.

⁷Genuai Bidi, da bugagia tonaluao. Te sesemane sogo da bugagia tonaluao, te tobage bidi dabego da dolomainu me egobeo.