SALMOS 12:2-7

²Se ica seyoc moistlacahuíaj. Quipiyaj ome ininxayac queja nojquiya quipatlaj inintlajtol.

³TOTECO quintzontlamiltis nochi tlen quipiyaj ome ininxayac huan tlen mohueyimatij quema camatij.

⁴Quintzontlamiltis tlen quiijtohuaj: “San ica totlajtol titlatlanise. Intla tijnequij tiistlacatise, tojuanti tijmatij. Axaca huelis technahuatis.”

⁵Pero quej ni quiijtojtoc TOTECO: “Inijuanti tlen teicneltzitzi huan tlen ax quipiyaj fuerza nechtzajtzilíaj ipampa nopa fiero tlacame tlen quintlaijiyohuiltíaj. Yeca ama nimotlalanas para niquinpalehuis. Niquinmaquixtis ininmaco tlen quincocolíaj.”

⁶Nelía temachtli tlen quiijtohua TOTECO. Itlajtol senquistoc melahuac. Quena, eltoc queja se cuali plata tlen quinelicxitijtoque, huan quipajpactoque miyac hueltas hasta senquistoc cuali.

⁷TOTECO, ta titechmocuitlahuía. Titechmanahuis para nochipa ica tlacame tlen ax cuajcualme queja ama itztoque.