Sam 12:2-7

²Leplz amrlx mz nrlc nzapokiati-lzbqng. Nzalqngitilr nzycmnengr mz drtwr kx xlva.

³Rlxtibo bam nzaesaki-krm natq leplz kxnzpokiang, X odati nidr mz nzglqpx-lzbq-krdr.

⁴Murde nzrpilr kx, “Naogr nalctwz txpwz mz nztwz-krgr da kx suti drtwrgr. X trpnzngr kx naetum bagr.”

⁵A' Yawe rpile kx, “Mcpex nzaetq-ngrbz drtq kxnzkxpung, X nztangqgxkr kxnzmwati drtwrng. Delc na-arlapxx nidr mzli ka. Da kc tqwai nzsutikr drtwrdr le.”

⁶Yawe, abrtrpzkr drtwrgr mz natqm lcng, tqtubq tqlq. Murde nzopx-krdr apule silvz kc tzayrleni-ebirngr mz nyr.

⁷Kxmule-esz' leplz lcng trmya-ngru drtqdr nzglqpx-lzbq-krdr, X nzrglqlz-krdr da kxtrka mz nrlc tulvzo, A' lxngitikr kx sa na-aclve-zpwxq nigr, X sa na-arlapx-zvzbzme nigr mz mq leplz lcng tzdrka'ngr.