Melkahka Kan 46:1-10

¹Koht me perehpatail oh atail kehl, me kin ketin sewese kitail ni ahnsou apwal akan.

²Kitail eri sohte pahn masepwehk, mehnda ma sampah pahn rerada oh nahna kan pahn kihrla nan kepin madau;

³mehnda ma iloak en nan madau kan pahn mwekidida oh ngiringirisek, oh nahna kan pil pahn itihtikengki mwekid en nan madau.

⁴Mie pillap pwoat me kin kaparanda kahnimw en Koht, ong ni tehnpas sarawien Wasa Lapalahpie.

⁵Koht kin ketiket nan kahnimwo, eri, e sohte pahn mwomwla kohkohlahte; e pahn ketido sewese nin sorahn.

⁶Wehi kan kin masapwehkada, wehin nanmwarki kan kin rerada; Koht ketin poahngok, a sampah sohredi.

⁷KAUN-O, Wasa Lapalap, kin ketiket rehtail; Koht en Seikop, iei atail wasahn ruk.

⁸Kumwail kohdo, oh kilang dahme KAUN-O ketin wiahda. Kumwail kilang soahng kapwuriamwei kan me e ketin wiahda nin sampah.

⁹E kin ketin katokihedi mahwen wasa koaros nin sampah; e kin ketin katimpeseng arep kan, oh kauwehla kesik ketieu kan, e kin ketin isikala nein sounpei kan mehn sansar kan.

¹⁰E kin mahsanih, “Kumwail katokihedi amwail mahwen kan oh esehla me ngehi, iei Koht, me lapalahpie rehn tohn wehi kan, me lapalahpie nin sampah pwon.”