Text copied!
CopyCompare
Pohnpeian Bible with Apocrypha - Melkahka Kan

Melkahka Kan 70

Help us?
Click on verse(s) to share them!
1Maing Koht, komw ketin komouriehla! Maing KAUN, komw ketin sewese ie ahnsou wet!
2Irail kan me songosong en kemeiehla re en lohdi oh pingida. Irail kan me kin perenki ei apwal re en pwurala oh namenekla.
3Irail kan me kin kouruhrkin ie re en sarokihdi ar lohdi.
4Irail koaros me kin patohdo rehmwi re en nsenamwahu oh pereperen. Irail koaros me kin kasapahl kalahnganki ong komwi sapwellimomwi komour re en kin patopatohwan ahnsou koaros, “Meid lapalap atail Koht!”
5Maing Koht, ngehi me luwet oh semwehmwe; komw ketidohng rehi mwadang. Komwi me ei sounkomour oh ei Kaun— komw ketin mwadangodo oh sewese ie!