Kölfel 46:1-10

¹Ngeni ewe mi emweni chon köl: Echö köl än nöün Kora kewe mwän. Ei köl usun ngingin sopran. Kot ach lenien op me ach pöchökül, a sip le alilis lon fansoun riaföü.

²Iei mine sisap niuokus are fanüfan epwe wilila, nge chuk kana repwe kokotiu lealololun matau,

³are nonon lematau epwe püng o puropur, nge ekewe chuk repwe chechech ren püngüpüngün.

⁴Mi wor eu chanpupu mi awarato pwapwa ngeni ewe telinimwen Kot, ewe leni mi pin än Ewe mi Unusen Tekia.

⁵Kot a nonom lon ewe telinimw pwe esap fokun tala. Lesosorusich Kot epwe alisi ewe telinimw.

⁶Chon ekewe mwü ra fokun niuokus, nge mwün ekewe king ra taroporop. Iwe, lupwen Kot a akkapwas, fanüfan a telila.

⁷Ewe Samol mi Unusen Manaman a etikich, än Jakop we Kot i ach lenien op mi pöchökül.

⁸Oupwe feito o nenengeni än ewe Samol mi Lapalap föför, usun an ataela fanüfan.

⁹A aükätiu maun won unusen fanüfan, a kupi ekewe likapich o pwülü ekewe siles, a fisi ngeni ekkei ekewe wokenin maun.

¹⁰A apasa, “Oupwe emwen le maun, oupwe silei pwe ngang echök Kot. Ngang üa tekia seni chon ekewe mwü, ngang üa tekia won fanüfan.”