Text copied!
CopyCompare
Pohnpeian Bible with Apocrypha - Melkahka Kan

Melkahka Kan 15

Help us?
Click on verse(s) to share them!
1Maing KAUN, ihs me kak patohlong nan Tehnpasomwi? Ihs me kak patohwan kaudok pohn Saion, sapwellimomwi dohl sarawio?
2Aramas me kin peikiong Koht ni mehkoaros oh kin wia me pwung ahnsou koaros, me kin lokaia pwung oh mehlel,
3oh sohte kin karaunmwahlih meteikan. E sohte kin wia mehkot sapwung ong kompoakepah kan, oh sohte kin ndindaseli mehn mpe kan.
4E kin kailongki irail kan me Koht kin ketin soikala, ahpw e kin wauneki irail kan me kin peikiong KAUN-O. E kin kapwaiada dahme e inouki ahnsou koaros, mehnda ma e apwal.
5E sohte kin ale wihnen nah mwohni me aramas pekihsang pwe re en doadoahngki; oh e pil sohte pahn wia sounkadehde likamw ong emen me sohte dipe pwe en ale pweine. Eri, me kin kapwaiada mepwukat pahn pehm saledek sang apwal kohkohlahte.