Text copied!
CopyCompare
Pohnpeian Bible with Apocrypha - Melkahka Kan

Melkahka Kan 100

Help us?
Click on verse(s) to share them!
1Tohn sampah koaros, kumwail kokouliong KAUN-O!
2Kumwail pereperen kaudokiong KAUN-O oh patohdo mwohn silangi ngisingiski amwail koul!
3Dehr manokehla me KAUN-O, iei ih Koht. Ih me ketin wieikitailda, oh ih me kin sapwellimankin kitail; kitail me sapwellime aramas, kitail me sapwellime pelin sihpw.
4Kumwail pedokihlong nan kelen Tehnpaso amwail koulen kaping; kumwail patohlong nan sapwellime mwoahl sarawi ni kapingkalahngan. Kumwail patohwanohng amwail kapingkalahngan oh kapikapinga.
5KAUN-O me kalahngan; sapwellime limpoak kin poatopoatete oh e kin ketin dadaurete sapwellime loalopwoat kohkohlahte.