MAREK 4:24-34

²⁴A phenďa lenge: “Šunen mištes! Sava miraha merinen, ajsaha tumenge ela merimen a mek pes tumenge pridela.

²⁵Bo kas hin, oles mek ela dino, a kas nane, olestar pes lela mek oda, so les hin.”

²⁶Ov phenďa: “Le Devleskere kraľišagoha hin avke, sar te iľahas o manuš o semenos a sadzinďahas les andre phuv.

²⁷Rači džal te sovel, tosara ušťel a o semenos pes pučinel avri a barol, aňi korkoro na džanel sar.

²⁸Bo e phuv del uľipen korkori pestar – ešeb (peršo) o phus, paľis o klasos a paľis but ďiva andro klasos.

²⁹A sar dobarol o ďiv, takoj pes bičhavel te košinel, bo avľa e žatva.”

³⁰Paľis phenďa: “Ke soste pripodobňinava le Devleskero kraľišagos, vaj save podobenstvoha tumenge sikavava?

³¹Hin sar horčično semenos, savo pes sadzinel a hino nekcikneder maškar savore semena pre phuv.

³²Ale sar pes sadzinel, chudel te barol a hino nekbareder maškar savore rastlini a hin les ajse bare konara, hoj o čirikle peske šaj bešen andre leskero ciňos.”

³³O Ježiš lenge vakerelas o lav andro but kajse podobenstva – ajci, keci šaj achaľonas.

³⁴No, le manušenge bi o podobenstva na vakerelas, ale sar sas korkoro peskere učeňikenca, lenge phenelas avri sa.