Maka 4:24-34

²⁴Yesuye dimapoo egeesee takaso, “To niyo du medee goolee. Niba to hagee medee dia gooleedoga, goo abo niyo medee gooleedalaiso.

²⁵Odoo agayo to tekepo gooleedoga, Godeeye yimapoo goo goolee dia tekepo abo tenalaiso, esino odoo hee agayo to tekepo medee dulega poogooga, goo goolee tekepo yimapoo egee molo see Godeeye talaiso.”

²⁶Yesuye dio masi egeesee takaso, “Godeeye wiligi doloso badeli goo edebeeyo kakomee ko masi, o hu wit, segei egeesi masi moloso.

²⁷Osoloso yo beeame susuga, gesi susuga tialo hogabuo tialo hogabuo dolone witi ko oso pala yo gooleedele.

²⁸Witi ko segei eyo mi naga obusomo peliso. Osoloso kawulone daga bou gasibiliso, osoloso du teliso, osoloso hamameedee ko peliso.

²⁹Witi ko segei poloso telegeega segeli odoo oso dileso gwaliso.”

³⁰Yesuye egeesee takaso, “Godeeye wiligi doloso badeli eyo goo ayo dio hee maga nimapoo takalaiso.

³¹Esiga Godeeye wiligi doloso badeli eyo goo edebeeyo homokoko dia pepoko toloso segei egeesi masi moloso.

³²Esino homokoko dia pepoko segei oso kawudoga toowa poloso homolee ee ma kulodu homo su hagoso toowa malaiso. Osoloso homo dee diadee omapoo sóso sibileso hemiye omapoo ou takalaiso.”

³³Yesuye odoo mapoo dio masi maga Godeeyo to takomo siliso, eseme dio masi taka oso dibada goo goolee sabolo tebiaso.

³⁴Yayo odoo susuga mapoo hedepe dio masi maga takemeliso. Esino Yesu o hamamee dili odoo sabolo disono dopolone dio masi oposusu eyo bei dimapoo takeliso.