MƐBORIMƐ WÉÌTÌ 2:18-21

¹⁸Mutɔ̃mmú m pĩ mmù kɛtenkɛ̀ ĩ́nkɛ̀ kɛ ɔ̀u, kɛ yóó mù yóunɛ̀ wèè n tũ̀nní, dɛ̀ í n nɑɑti mu kpɛ́í.

¹⁹We nyɛ̃́ wèè n tũ̀nni kòò bo nciì yoo ò bo ntú kuyɛìnkù? Weè nɛ́ yóó bɑɑtɛ́ n dɔ̀ɔ̀ dɛ̀ɛ̀ kó dimɑ̀ɑ̀ kɛtenkɛ̀ ĩ́nkɛ̀ nɛ̀ n kó mɛciì. Dɛndɛ múnkɛ í dò nkɛ́bɑntɛ́.

²⁰Mɛm̀mɛ dɛ̀ yɑ̃rikɛmɛ̀ n kɔ̃̀ntì nɛ̀ mutɔ̃mmú m pĩ mmù kɛ ɔ̀u kɛtenkɛ̀ ĩ́nkɛ̀.

²¹Ntɛ onìtì wèè pĩ nho tɔ̃mmú nɛ̀ mɛciì nnɛ̀ mɛyĩ́ɛ̃́tímɛ̀ kɛ̀ mù yié mmɛsɑ̀ɑ̀. Kòò nɛ́ mù yóu nɛ̀ otɔù wèè í pĩ mmùmɑmù. Dɛndɛ í dò nkɛ́bɑntɛ́ dɛ̀ cɑ̀ɑ̀ri mɛyɛ̀mmɛ̀ mmɛ.