Luuka 1:54-65

⁵⁴O faabike Israa'iilankooɓe, jiyaaɓe makko, o yeggitaali yurmaade Ibarahiima e iwdi mum faa abada, hono no o fodanirnoo njaatiraaɓe men nii.

⁵⁶Mariyama faɓɓidi e Elisabet ko waarata e lebbi tati, caggal mum, hooti suudu mum.

⁵⁷Wakkati ɓeynugol Elisabet yottii, o ɓeyni o heɓi ɓiɗɗo gorko.

⁵⁸Taakallemme'en makko e sakiraaɓe makko nani hinnee mawɗo mo Joomiraaɗo waɗani mo oo, ceyodii e makko.

⁵⁹Nde cukalel ngel hiɓɓinnoo yontere ndee, ɓe ngari taadude ngel. Ɓe njiɗiino inndirde ngel baaba maggel Jakariyaa,

⁶⁰kaa inna maggel jaɓaali, wii ngel inndiree Yaayaa.

⁶¹Ɓe mbii ɗum: —Sii maa fuu walaa inndiraaɗo ndee innde.

⁶²Ɓe lamndorii baaba maggel muumankoore, homo yiɗi ɓiyum oo inndiree.

⁶³Jakariyaa lamndii alluwal, winndi e maggal: «Innde maggel yo Yaayaa.» Ɓe fuu ɓe kaaynaa.

⁶⁴Oon wakkati fuu, hunduko Jakariyaa yoppitaa, ɗemngal mum humtaa, watti haalde e yettude Laamɗo.

⁶⁵Kulol nanngi hoɗuɓe e seraaji ɗii ɓee fuu. Kasen duu ɗum saakii e ley haayre Yahuudiya fuu.