LUCAS 1:54-65

⁵⁴¡Pe zhidaa ziyacnie me grë zha ne nac xtii Israel, meṉgol ne goc zig tib nguṉdziin lo me ga! ¡Tibaque rlu me rleynie me zho!

⁵⁵Ib biaaṉladzd me xtiidz me miṉe bnee me lo pxozgol ne Abraham, zeeṉe rëb me gdziṉd dze ne csaan me Abraham, ni grëraa zha ne grieequia lo xtii Abraham.

⁵⁶Maase tsoṉ mëë biaaṉ Marí ga blëz me lo Lisabet, dzigoraa wbi me ga bdziṉ me lidz me stib.

⁵⁷Bdziṉ dzew, laa xpëëd Lisabet bza mëë, laa me gop win.

⁵⁸Grë zha ne no gax lidz me, grë zha ne nac meṉlidz me, zeeṉe bin zho scataa pquia zdoo Dios me bdeed Dios mëëd co lo me, rley zho güeygaṉ zho me.

⁵⁹Dze ne goc mëëdbgui yeeṉ co xon ngbidz, blalaa zha ne güeynaḻ zhits pxoz win, zhits xniaa win güeynie zho win bio win bey ne rio xpëëdbgui zha Israel, parne glu lo Dios ngab win. Tibaque naṉ zho Zacarí nrieelë win, zigne lëque pxoz win, haxta scale nonee zho lo win,

⁶⁰per hor co rëb Lisabet, led scad gac lë win, Juan grieelë win.

⁶¹Dzigo pquiab zho rëb zho: ―¿Pe nacne sca grieelë win? Ni tib meṉlidz to lëd Juan.

⁶²Bnabdiidzaque zho lo pxoz win, blu zho señ lo me dieṉ zha racladz me gac lë win.

⁶³Dzigo bnab me bdeed zho tib lë lo zaatne yquiaa me; bzee zdoo zho zeeṉe blozh pquiaa me goṉ zho rnee lo co: “Juan grieelë win.”

⁶⁴Loxaque blozh dze sca pquiaa me, zeeṉe laa me wbiire bnee stib, psilo me rdeed me xquizh lo Dios.

⁶⁵Grë zha ne zo ga, zha ne ruṉbey me, zeeṉe goṉ zhow, per nli rzee zdoo zho. (Nëzrii nëzrec bzhooṉ diidz laa mëëd co gol, grëse guiedz ne ndxie gui glaa co gocnaṉ miecha.