Lucas 1:54-65

⁵⁴Badbadangan Apo Dios nan ipogawna ay datako ay Judio ay eng-enggana tay egayna kinalkalingkingan din inkalina ken Abraham ya nan an-akna ay alal-apo tako. Tay kinwanina en seg-angana daida ya datako ay ap-oda ay eng-enggana.”

⁵⁶Nakitetee si Maria is toloy bowan ken da Elisabet esapay somaa.

⁵⁷Inomdan nan omanakan Elisabet dat omanak is lalaki.

⁵⁸Issan nangdengngan nan sagsagogongda ya nan ag-ida issan kaskasdaaw ya kagagasing ay inikkan Apo Dios ken siya dadat omey am-in makigasgasing.

⁵⁹Nan ogalin di Judio et no maikawao ay agew nan onga dat madagop nan ag-ida et segyatanda dadapay ngadnan. Sinegyatanda san onga et ipangadanda koma nan ngadan amana ay Zacarias

⁶⁰ngem dat kanan inana en, “Baken sa. Nan ngadana et Juan.”

⁶¹Dadat kanan ken siya, “Ayta? Dapay maid polos apo tako is kangadan is Juan.”

⁶²Dadat isinyas ken amana ay mangsoot no sino nan kayatna ay ngadan nan onga.

⁶³Dat menpaala si Zacarias is mensolatana et isolatna, “Nan ngadana et Juan.” Et nasdaawda am-in ay wada isdi issan nangbasaanda.

⁶⁴Dat makanali si Zacarias ay mangdaydayaw ken Apo Dios.

⁶⁵Am-in nan sagogongda et nasdaawda isnan inommat dadat ibaag isnan am-in ay il-ili isnan bilig id Judea.