54Ki ŋende gande wusyep upwaiꞌe kin ŋaiye kin si ŋana lenge loumwah poi ŋaiye ka ŋoih miꞌmiꞌ me poi pe, kin nate gah nungwisme poi Israel, miyeꞌ tuweinge wah kin.
55Kin nupwaiꞌe wusyep topoꞌe lenge loumwah poi, Abraham topoꞌe lenge ŋambaih talah kin, ŋaiye ka ŋoihginirme tinge nye nyermbe.”
56Maria warp topoꞌe Elisabet wa tatame wundehei hun miꞌe pe, ti plihe wal moi ti.
57Ŋup titi nat pe, Elisabet waraꞌe lahmiyeꞌ ende.
58Ŋupe ŋaiye lenge wim ilyeh ti topoꞌe lenge moi ilyeh ti yasande yetekeꞌe ŋaimune bwore ŋaiye Lahmborenge ŋende pe, tinge lalme hriphrip topoꞌe ti.
59Ŋupe ŋaiye talah ti si sande ende ŋerŋe nal miꞌe pe, tinge yat nange ka yotombo wahriꞌ hiꞌ kin, topoꞌe ka yember naŋ kin Sekaraia, junde naŋ yai kin.
60Kom mam kin wanange na, “Pakai! Naŋ kin ya gwilme Jon.”
61Pe tinge yaname na, “Kom yukur wim ilyeh yip ende naŋ kin Jon sai, pakai!”
62Pe tinge yenge syep yaname yai tikin nange talah uku ka gilme lahmende.
63Taꞌe luku pe, Sekaraia nenge syep nisilih lenge nange ka yenge bambalau ende yut no, ka inge naŋ. Pe kin nainge naŋ kin Jon. Tinge yetekeꞌe taꞌe luku pe, tinge ŋoihyeryembe wula wula.
64Nilyehe sai, Sekaraia, mut kin ginir pe, kin plihe ŋanange wusyep pe, ki ŋirisukwarme Got.
65Pe lenge moi ilyeh titinge gunguru plai ŋoiheryembe wula wula pe, wusyep uku sisil nalꞌe nalꞌe moiye moiye ŋaiye sai nanah hwate Judia.
Luk 1
Luk 1:54-65