Lucas 1:54-65

⁵⁴Id tovangan ki nikandin no koubbaran ni Israel no uripon din, woy dii en sikandin od kolingow taddot tandu rin nod ko‑eruwan keta.

⁵⁵Oyya su id tandu rin no id ko‑eru‑i rin si Abraham woy dos koubbaran din taman to waad tomanon.”

⁵⁶Na, id oubpa pa si Maria riyot ongki Elisabet daom to mgo otollun buwan woy nopongnga, id uli ron sikandin.

⁵⁷To id inguma ron kos timpu nod pototobbow ron si Elisabet, id aanak sikandin to mama.

⁵⁸Na, norinog taddot mgo sumbaoy woy korumannan onni Elisabet no dakkoo kos eru to Monama kandin, woy nahaa sikandan duma kandin.

⁵⁹To wau ron no allow iddos anak pomon to kodtobbow, id lolivuung sikandan amoy'd tupuwan dos anak. Na, id posangoy ran nanoy iddos anak ki Zacarias no amoy rin.

⁶⁰Piru mid ikahi si Elisabet to, “Konnod kopakoy! Juan kos id ngaran kandin.”

⁶¹Kahi ran ki Elisabet to, “Mambo man? Waa man moho ahad sokkad no korumannan dow no id ngoranan to Juan.”

⁶²Na, id sinyasan dan iddos amoy ko ondan kos id kopi‑i rin no id ngaran taddot anak.

⁶³Id sinyas sikandin no od boggayan to popii amoy'd sulatan, woy id sulat sikandin no mid ungketen to, “Juan kos ngaran din.” De‑en nosoobbuwan sikandan langun.

⁶⁴Na idda ron en, noko‑ooseng don sikandin woy id doong din kos Monama.

⁶⁵Nosoobbuwan iddos langun no sumbaoy ran pomon to ponudtulon moka‑atag taddon notomanan, woy nokoso‑ob idda riyot mgo minuvu no id pon‑ubpa riyot buvunganon no sakup to Judea.