Lucas 1:54-65

⁵⁴Jineshinonkatairi Israel-mirinkaite, tema iromperatane inayetake. Te impeyakotyaari ikaminthaayetziri,

⁵⁵Tema iro ikantayeetakeriri pairani acharineyetakari, Jetanari Abraham-ni irojatzi inkarate incharinentayetaiyaari.

⁵⁶Ari osaikimovaitapaintziro María iroka Elisabet ikaratzi mava kashiri, irojatzi opiyantaari opankoki iroori.

⁵⁷Ikanta omonkaraaka ontzimaanitantyaari Elisabet, tzimake otomi.

⁵⁸Ari ipokaiyakeni osheninkapayeeni ikimoshireventaiyironi, tema jiyotaiyakeni iniroite jineshinonkatakaro Pava.

⁵⁹Aritake maakotapaake 8 kitaite eentsika, jagaitanakeri intomeshitaaniiteri, ari ikovaveetaka impaitaiterimi Zacarías, tema ivairora onatzi iriri.

⁶⁰Irojatzi okantantanakari iriniro: “Eero ipaita Zacarías, impaitya Juan.”

⁶¹Ari ikantaitanakero: “¿Opaitakaya? Tema tekatsi pisheninka paitachaneri Juan.”

⁶²Ipoña jookotaitakeneri ashitariri josampiitziri, tsika inintzi impaiteri.

⁶³Jookotake Zacarías inchakota iramaiteneri, ari josankinatakeri, okantzi: “Juan impaitya.” Ipampoyaaminthatanakeri ikaratzi osampitakeriri.

⁶⁴Jomapokashitanaa iñaavaitanai Zacarías. Iniroite iñaapinkathatanakeri Pava, ipaasoonketanakeri.

⁶⁵Paraanka ikantaiyanakani isheninkapayeeni Zacarías. Tema ithonka ikemaitakero tonkaariki Judea-ki okaratzi avisaintsiri.