Luka 6:6-19

⁶A ko aver savato, o Isus dija ani sinagoga thaj lija te sikavol. Gothe sasa jekh manuš kaso desno va sasa šuko.

⁷E učitelja tare e Mojsijaso zakono thaj e fariseja dikhlje palo Isus na li ko savato ka sastarol, te bi čerena le banđe.

⁸Al o Isus đanglja so von den gođi, thaj vačarda e manušese so sasa leso va šuko: “Ušti thaj ava akari ko maškar!” O manuš uštilo thaj ačhilo angle savorende.

⁹Thaj o Isus vačarda lenđe: “Te pučav tumen: Ko savato li šaj čerolpe šukar il bilačhe? Te aračholpe o džuvdipe il te mudarol pe?” Thaj von khanči ni vačarde?”

¹⁰Dikhlja savoren so sesa gothe thaj vačarda e manušese: “Sikav ćo va.” Vov gija i čerda, thaj leso va sastilo.

¹¹A e fariseja thaj e učitelja tare Mojsijaso zakono pherdile bari holi, thaj vačarde jekh averese so te čeren e Isusesa.

¹²Gola đivesa, o Isus iklilo ko brego te molilpe e Devlese, thaj sasa sai rat ano molipe e Devlesa.

¹³Thaj kana sasa đive, akharda pe sikaden, thaj lendar birisada Dešudujen thaj akharda len apostolura:

¹⁴e Simone kas akharda Petar, e Andrija lese phrale, e Jakove thaj e Jovane, e Filipe thaj e Vartolome,

¹⁵e Mateja thaj e Toma, e Jakove e Alfejeveso čhavo, thaj e Simone savo sasa Pobunjeniko,

¹⁶e Juda e Jakoveso, thaj e Juda e Iskariotskone, savo izdajisada le.

¹⁷O Isus ulilo taro brego pe Dešudujencar thaj ačhilo ko ravno than, thaj but sikade lese, thaj but manuša andari sa i Judeja thaj taro Jerusalim, thaj taro foro Tir em taro foro Sidon thaj pašutne thana save si pašo more.

¹⁸Von avile te šunen le thaj te sastardon taro piro nasvalipe, a sastardile i kola save mučisade len e bilačhe duxura.

¹⁹Thaj sa e manuša rodije te dolenpe pe leste, golese kaj lestar ikljola zor, thaj sastardona savore.