LUCAS 6:6-19

⁶Ste dxe ne rne men-Israel, wa Jesus lenydoo wneluu Ne mén. Nga zob te mgyeey ne miitx nyabëë.

⁷Kom noze kaleedx maxter ley yra men men ne nak farisew gan pe sneseyaken Jesus mgyeey guin dxe ne rne men-Israel, chen tsël gan pezee ykagyii men Ne.

⁸Per kom nan Ne gan pe rlebleedx men, lex re Ne lo mgyeey guin ne miitx nya: ―Gusuli, gusu gwrooltee. Orguin wzuli mgyeey guin, wzu men gwrooltee lad mén.

⁹Lex re Ne lo men yra men: ―Ynabdiiz noo lo de: ¿Pagox nak ne ryal ylaa me dxe ne rne me, ne wen u ne mal?, ¿yselaa me xgyelembán te mén u yket me men?

¹⁰Zhich guin wii Ne lo yra mén guin ne ndxin kbii Ne, lex re Ne lo mgyeey guin: ―Guzegaa nya de. Zegne wzegaa meno, wakwengoo.

¹¹Kesentyent wlayaa wladuxtee yra mén guin. Wzelo men rnabdizlsaa men gan pezee ylaa men Ne.

¹²Cheguin ke wa Jesus te txu gyeey chen ynab Ne lo Dëdyuzh; nga wnab Ne lo Dëdyuzh ydebgyëël.

¹³Chene wyenii lyu, wbëz Ne yra xpén Ne, lex lad yra mén guin wye Ne chibtxup men, wnesela Ne men poxter.

¹⁴Laa men yra men nga nak: Simon no wnesela ke Ne men Bëd, no le Ndrizh bech Simon, Jacob, Xwa, Blib, Bartolomé,

¹⁵Mdëw, Tmazh, Jacob xpee Alfeo, Simon men ne nak Zelot,

¹⁶Judas xpee Jacob, no le Judas Iscariote ne wdekwent Jesus.

¹⁷Lex wyët Jesus txu gyeey guin yra Ne men, wzutsë Ne te lenleech. Nga ndxin ndalyaa ndalduxtee mén: men-Jerusalén, men ne wruu lo lyu ne la Judea, men ne wruu nes runisdoo ne nak nes Tiro no le nes Sidón. Wdxiin yra mén guin nga chen gon men ne rzëët Ne no chen yneseyaken Ne men ne rzhuun.

¹⁸No yrandxee men ne baanske rlaa ne nuu menzab lextoo wyaken.

¹⁹Yrandxee mén guin rlaan ytee nya led Ne porke rneseyaken Ne mén por poder ne rap Ne.