LUKAŠ 9:20-24

²⁰Ov lendar phučľa: “A tumen, so phenen – ko som?” O Peter leske odphenďa: “Tu sal o Kristus le Devleskero!”

²¹No o Ježiš lenge zoraha prikazinďa, hoj oda ňikaske te na phenen avri.

²²Paľis lenge phenďa: “O Čhavo le Manušeskero mušinela but te cerpinel a te el odčhido le phurederendar, le nekbaredere rašajendar the le zakoňikendar. Mušinela te el murdardo a pal o trin dživesa te ušťel andral o meriben.”

²³A savorenge phenďa: “Te kamel vareko te avel pal ma, mi zaprinel pes, mi lel sako džives peskero kerestos a mi avel pal ma.

²⁴Bo sako, ko kamel te zachraňinel peskero dživipen, les našavela, ale ko našavela peskero dživipen vaš ma, oda les zachraňinela.