Luk 9:20-24

²⁰E Iesu misis pilei xil bit, “?E xamim, ma midep? ?Mubit inou nabe visi vari?” E Pita mitamea e bit rati bit, “Xouk, obe Mesaea xa Hi tehit xati tengan imei.”

²¹Di, Iesu misep xol xil tengan linavit sepinien ak ti mi moletin sav xil.

²²E biteni mi xil bit, “Hi teling xati ngamu tengan inou, Nat Moletin, ti nilong pangas inou ihe holu. E elda xil na Siu xil, vat xil na pris xil, e titsa xil te rae na Mosis, xil ngasen ti lisin nou e lihas vin nou. E melele xa melengien tol mei itavi, nimea rilomun ra maten.”

²³Di, Iesu biteni mi xil bit, “Xosxa moletin tova ien bei tengan ihusil nou, ma istokovein holesok xil te meulien nan. Ti, e melengien xil vus, ipo eivave te maten nan e ihusil xat nou.

²⁴Vengan xa moletin xa misak pisi tengan ikenin meulien nan ve xi tang, ma meulien nan ikesae ra ni. E moletin xa di maen meulien nan ikesae vengan xa di nggusil xat inou, ma, e ut nesao, xi ikamet meulien sal.