Luka 9:20-24

²⁰Â é tawèerirà wà Iésu pâ: «Â, na wâguwà na?» Â é tòpi têe wà Pétéru pâ: «Wâgà, âna gà pwi *Mesia, *pwi a pa-udò na gà me gée jaa Pwiduée!»

²¹Êco na é nye âji papwicîri jiirà kaa na rà inapàpari pwiri.

²²É ina tàra pâ: «O tèepaa ê pàara, na go mwa dau pwa ê maagé côo na wâgo *Pwina naîri âboro. Ba wà tèpa pitûâ; ma wà tèpa caa kà tèpa pwa *ârapwaailò; ma wà tèpa *dotée goro ê Naèà, âna o nye tàutàra gooò.  rà mwa pwa ma go bà. Êco na, naa na béâracié kâra tòotù gée na càùé, âna go mwa wâro côwâ.»

²³É ina tà diri tèpa âboro wà Iésu pâ: «Wiàna nüma cè pwi jè âboro na é me wiâô, â é cibwaa mwa tà piniimiriê côwâ. Â, diri na pâ tòotù, âna wâdé na é kâa ê *kurucé kêe, â é me wiâô.

²⁴Ba wà pwina nümee na é ipwamuru ê wâro kêe, âna ée mwa tubatiàu. Â wà pwina é panuâ ê wâro kêe ba kôo, âna wà pwiibà, âna ée udò â o tâa têe ê *âji wâro.