LUKA 9:20-24

²⁰Ege yabi nautmerda, “A wape nako pewa detauteda ka nete nali?” Peterude abi detagri, “Mama Agudira Keriso nali.”

²¹Ege Iesude yabi kelarkelar daratagerda ko nole able mir waditauteda netat leem.

²²Ega yabi ko daratagerda, “Able Lera Werem e ya au asiasi wadigi, a Aule, a Kebi Kirim Merkem, a Aotale ya nole abi lagkak waurder. Abi ya waipitare, e neis a netat gergerge ya ko wayakai idid obai.”

²³Ege ga akaida gair le daratagerda ge ge urder, “Nete laglag karidoge watabakiamu, e nole tababu obakepwarwa, tababu tabara satauro wepwa gair gegerge, a kari wanarmirwa.

²⁴Netide laglag tabara idid wakur, e ya weumi: nete ya karim weumi e ya tabara idid watirpei.”