20मिनु येसुमी “गेपुकी चहिं आं कली सु मिम्नीनी?” देंमेनु, पत्रुसमी “गे परमप्रभु यावे आ सोइश्शो ख्रीस्त ननी” देंमाक्त।
21मिनु येसुमी “एको लोव़ सुइ आन कली मशेंदीने” दे अरेमी बाक्त।
22येसुमी “रागीम जरमेशोमी शुश श्येत जचा माल्ब। जोक्ब तुइक्ब खाल्पापुकी, ठेयब चढ़ेबपुकी नु सास्त्रीपुकीमी मेको कली मब्रथु साइक्पाइक्नीम। मिनु बेक्शो आ नित्थ नाक्ती सेंसीब” दे शेंदीमी बाक्त। लूका ९:४४-४५; लूका १८:३१-३४
23मिनु येसुमी मेको आन कली “सुमी आं नोले खोइक्चा थुं पाइबा, मेकोमी आंम दला दाक्स पचा प्रोंइशा, नाक्त किंत किंत श्येत जचा महिंथु, आं नोले खोइय्यील।
24सुमी आंम गिंम प्रोंइचा माल्बा, मेको आ गिंम योल्ब। आं पर्बम आ गिंम सोइक्बमी आ गिंम प्रोंइब। लूका १७:२३; मत्ती १०:३९; यूहन्ना १२:२५
लूका 9
लूका 9:20-24