1Ri Jesús xubꞌiꞌij chike rutijoꞌn: «Che ruwachulew lik kꞌo tzaqibꞌal pa mak, pero ¡lik toqꞌoꞌ kꞌu uwach ri kumin junoq chik chupa ri na utz taj, ma e kape ri qꞌatbꞌal tzij re ri Dios puwiꞌ!
2Ma e ne más utz kuya ri katzayabꞌax bꞌi puqul juna nimalaj kaꞌ re keꞌem y kakꞌaq kꞌu bꞌi chupa ri mar, chwa ri kumin junoq pachaꞌ wa chꞌutiꞌq chupa ri na utz taj.
3»Lik chiwila kꞌu iwibꞌ riꞌix. Ma we juna awatz-achaqꞌ kuꞌan ri na utz taj chawe, chachꞌaꞌbꞌej upa. Y we xutzelej utzij chawach, chakuyu umak.
4Tobꞌ ne kuꞌan ri na utz taj chawe wuqubꞌ laj chupa ri jun qꞌij y wuqubꞌ laj koluꞌtzelej utzij chawach, chakuyu umak» xcha ri Jesús.
5Ekꞌuchiriꞌ xkibꞌiꞌij ri kabꞌlajuj e utaqoꞌn che: —Nimarisaj la ri kubꞌulibꞌal qakꞌuꞌx —xechaꞌ.
Lucas 17
Lucas 17:1-5