Lok 17:1-5

¹Jesos ogi inan okikinoamaganan: “Apanigotc kada 8ikobinagani8i8ag a8iagog kidji patadi8adj. Kada madji iji8ebizi dac a8iag ka 8ik8adjiadjin kodagian kidji patadindjin.

²Na8adj kada minoseban aa a8iag kidji acodapinagani8indjin kitci asinin og8ei8akag, acitc kidji pakobi8ebinagani8idj kitcigamikag, apitc8in pejig a8ian ka agacinojanig oteb8etamo8ini kidji 8ik8adjiadjin kidji patadindjin.

³Iag8amenimidizok dac!” “Kicpin kidjiki8e patadidj, 8idamao 8e8enda. Kicpin dac an8endizodj, mi iji ponenim ka iji patadidj.

⁴Kicpin madji todaok nij8atcinanaj pejigokajik, acitc tasinanaj ikidodj: ‘Nikackendan egi madji todaonan,’ mi iji ponenim.”

⁵Ka Tibendjigedj Odanodaganan ogi igon: “Micaton niteb8etamo8ininan.”