Luk 17:1-5

¹Agog Jesus iŋanen megeloum irupidaig ibol, “Kubianek funfun ilasa wa, dilasa san dal tufutani san tia ya. Gug tamol enti iŋ turan ta naon iraep, kagin saian lo idu tap, iŋ muruan tubun mi ile wa.

²Gidad, iŋ pat tinan ta buron lo disisi idup, beig lo dibili idup isarir o man uyanan mok a. An tia tap, muruan nen tubun geig ak ile wa.

³Ago yak niŋen o kagin agane, sem tinim atirni uyanan a! “Oŋ tei ta oŋ lo aupasek igane tap, kududon wabi. Agop ibileksa tap, iŋanen aupasek an pare idu pani.

⁴Gidad, ad kisaek ilon lo saen 7 oŋ lo igane saian gug saen anen anen lo mi imul go, nao na ilon ibileksa yak ibol da, an ago tap, saen nek an lo mi iŋanen muruan an pare idu wa.”

⁵Agog aposel adi Tubun en durupei, “Maŋsama ilo rumok an ganep dabai.”