Luke 17:1-5

¹Aꞌ nil Jesus.an thaw thant ngurp nungantam al-alantan aꞌ wiy al-alantan tham than nunangan monkan-wak-wakin, “Pam wanch wiy al-alangan ngul thaach-thaachayn niiyang way yumpanakana.

²Yaa, niiy wik kath in ngeeyāna: pam wiy al-alangan nathwey kunttow wuut piꞌan pam alantan manang kathiythan nungant-a, aꞌ anpalaniya woꞌuw um-menhang aakanakan kaliythan nunang-a, aꞌ poo thaꞌiythan nunang ngak thangk aakanak pekan-a, in puth way nungant. Puth nil pam alangaman nathwey pam wanch ngatharam anangan thaach-thaachiy thanang way yumpanakan-a, an aak way-wayam paththam wampow nungant, pam alantan nilan thaach-thaachan thananga.

³Niiyaniya minam anman iiy-iiyāna, wayan keꞌ iiy-iiyān, yaꞌa. Niiy putha kan in ngeeyāna: nil kampan niiyantam alangan nath way yumpiy niiyant-a, niiywey wik waaꞌān nungant nilan way yump niiyanta. Nil nathwey wik ngeeyiy niiyang aꞌ wayan wantiy-a, aꞌ sorry thawiy niiyant-a, yaa, puth niiyanganiya kon-ngul ngathiwa.

⁴Nil way kanan yumpiy niiyant-a, nil nath wampiy niiyant aꞌ thawiy niiyant ngul, ‘Ayyang, ngay in wampang nungk, ngay sorry yipam thawāng, way anpalan ngayan yumpang nungkara.’ Yaa, niiyaniya keꞌ-ngul ngaantam-ngeey-ngeeyān way nilan yump niiyanta. Nil nathwey engk-engkiy niiyanta maꞌ sevenakam kinch thonamangan-a, yaa, niiyaniya kan-ngul kon-ngath-ngathow niiyang way nilan yump-yump niiyanta.”

⁵Aꞌ anpalana than ngurp nungantam anangan thawin nungant Jesus.antan, “Nint maꞌ-aath-aathān ngananga, ngan yipam keꞌ-ngoongkam anman ngangk nganttamangan piꞌ-piꞌān nintanga.”