Lucangundru 17:1-5

¹Nau milini nunkanani jatana wonti: “Jenia ngandandariai wata karkarkana wokarananto; jakajai nunkangu, nunkangundru jenia wokarai.

²Nunkangu morla ngumu nganai, marda wati nunkangu jerkalani kurananto, ja nina panto pirnani jikananto, nulu wata tanangupini wakawaka kulno karkarkananto.

³Ngamalkaterianau! Ngatatajeli jinkanali jinkangu madlentji ngankanani, nina kurukurubau; ja nau burkali ngananani, madlentji nunkani worau.

⁴Ja nulu ditji kulnuni pota mara wora ja mandru jinkangu madlentji ngankanani, ja ditji kulnuni pota mara wora ja mandru jinkangu karitjinani ja jatanani: “Ngani burkali nganai;” jundru madlentji nunkani worananto.”

⁵Ja Apostel wora Kaparani jatana wonti: “Ngaianingu morlalu ngundrana morla jinkiau!”