1Guyau ya libalau Mose yo Elon lisidi, iyen,
2Yena sai hesa tauna pouna, lepela e balalatina e bonu kamokamoꞌuꞌuna tauna yai, na yena ya nuwatuhui ꞌwapi iwalana heyaheyayana ya abi, mate i lau tau antalasam Elon e natuna hesa lebena.
3Tau antalasam haba ꞌwapi iwalana ni ya ita komakomaniꞌi, na ibe sadaina yai olo sa kafukafu yo ya bonu sigi lidi mate ni: ꞌwapi asiyebona, be tau antalasam haba ya liba famahata mate hola ma bonuna yo ma bidana.
4Na ibe ꞌwapina moho ya kafu, hige i bonu sigi lidi. Na bonuna sadaina yai ya leꞌaleꞌa, yo olona hige ti kafu, mate tau antalasam haba dogana ya tole hudoꞌiyen lahai faligigi luwaga.
5Lahai faligigi luwaga sa ofi, ai mulina tau antalasam haba dogana ni ya ita fuyoi, na ibe bonuna ni hige i fafalaꞌi be tauna i faheyaya haba ya liba mate, dogana iyabona ya miya fuyo lahai faligigi luwaga.
6Lahai faligigi fafaluwagana yai, tau antalasam dogana ni haba ya ita fuyoi. Na ibe bonuna hige tauna i faheyaya na ya mwafo, haba ya liba famahata mate ya aꞌa yo ya loholoho. Mate tan ya balati moho. Dogana bena in ena kaleko ya kaisudi haba ya aꞌa.
7Tau antalasam haba dogana tauna ya ita ya aꞌa, na ibe ai muli tauna balatina sa falaꞌidi, bena ya lau tau antalasam ya ita bodai.
8Tau antalasam bena dogana ya ita fuyoi na ibe balatina ya falaꞌi haba ya liba famahata mate ya asiyebo na ana asiyebona mate ya anfafaꞌawa.
9Yena sai asiyebo heyayana ꞌwapina yai, bena sa lawen tau antalasam lisina,
10Be haba ya ita komakomaniꞌi na ibe poꞌuna kafukafuna ꞌwapina yai na olona ya bui be ya kafu yo yena fisihona ya taumahatama, yo bonuna hola ma idaꞌidahena yo ma ꞌwauna,
11mate ni, ꞌwapi asiyebona otaꞌota fahina. Tau antalasam haba ya liba famahata mate iwala hesa mwafomwafo gesana. Ibege i tole hudoꞌiyen, paꞌana asiyebona tauna yai haꞌa dodoga sa ita, be ibege ti lau fadidina yai.
12Kuluna ya lidi, ahena haba tau antalasam ya ita, mahudoꞌina ya fakou,
13tau antalasam haba ya ita komakomaniꞌi fuyoi. Na ibe bonuna sa pitali yo tauna mahudoꞌina ya kafu, haba ya liba famahata mate in ya aꞌa yo ya loholoho.
45Yena sai ꞌwapi iwalana heyaheyayana ya abi, bena kaleko taputapulitidi ya liꞌodi na kuluna tabu i suwali, moꞌana bena ya fakou na yena dodoga sa hanahanau lau lisina haba ya yogalau lisidi iyen, Yau E anꞌiwala. ꞌWapi asiyebona ya abigu. Tabu au laoma sadaigu yai!
46ꞌWapi asiyebona otaꞌotana tauna yai mate hola ma asiyebona. Sa tole hudoꞌiyedi be dodoga tau anꞌiwala gesagesadi ibege maꞌedi ti miya gogo.
