1«ﭑ مُ دُندُ مَ سِيٌنِ شَ قٍ رَ، ﭑ مُ تَفَنمَ دَرِ سَلَمُ شَ قٍ رَ، هَن عٍ فبٍ حْشْمَ تّمُي نَشّ، هَن عٍ كِسِ سْتْ.
2نَ تّمُي حَمَنّيٍ وٌ شَ تِنشِنيِ تٌمَ نّ، عٍ شَ مَنفّيٍ كَابَمَ نّ وٌ شَ دَرِيّ مَ. عَلَتَلَ شِلِ نّينّ قِمَ نّ وٌ مَ.
3وٌ قِندِ مَ نّ حَمَ تٌقَنيِ رَ عَلَتَلَ بّلّشّ كُي، وٌ شَ مَنفّيَ يَنبَ عَ يِ.
4عٍ مُ وٌ شِلِ قَلَمَ سْنْن ‹بْشِ رَبٌلٌشِ،› شَ نَ مُ عَ رَ ‹بْشِ كَنَشِ.› عٍ وٌ شِلِ قَلَمَ نّ ‹ﭑ مَ بَاتّ،› عٍ وٌ شَ بْشِ شِلِ قَلَ ‹فِنّ دْشْي.› عٍ وٌ شِلِمَ نَ كِ نّ بَرِ مَ عَلَ وٌ شَنُشِ، عَ بَرَ وٌ شَ بْشِ تٌنفٌ عَ يّتّ بّ عَلْ شّمّ فِنّ تٌنفٌمَ كِ نَشّ.
5وٌ قَن وٌ شَ بْشِ تٌنفٌمَ وٌ يّتّ بّ نَ كِ نّ، عَلَ قَن حّلّشِن وٌ رَ.
6ﭑ كَنتَمَيٍ تِمَ نّ دَرِ سَلَمُ تّتّ قَرِ، نَشٍيٍ لُمَ عَلَ مَشَندِ رَ وٌ بّ يَنيِ نُن كْي رَ. وٌ تَن نَشٍيٍ عَلَتَلَ شِلِمَ، وٌ نَشَ تَفَن نَ رَبَ رَ،
7وٌ نَشَ وٌ سَبَرِ هَن عَ شَ دَرِ سَلَمُ رَ سَبَتِ، عَ قَ قِندِ تَنتُي رَ دُنِحَ بِرِن مَ.»
8عَلَتَلَ عَ كَلِشِ نّ عَ سّنبّ رَ، «ﭑ مُ عِ شَ دٌنسٍ سَمَ عِ يَشُييٍ بّلّشّ سْنْن، عٍ مُ وٌ شَ وّنِ نّينّ مِنمَ وٌ نَشَن نَوَلِشِ.
9نَشٍيٍ شّ سَمَ، نٍيٍ نَن عَ دٌنمَ تَنتُي رَ عَلَتَلَ بّ. نَشٍيٍ وّنِ بٌفِ بُندُ مَ، نٍيٍ نَن عَ مِنمَ ﭑ مَ هْرْ مْبَنشِ بُنتُنيِ رَ.»
10«وٌ مِنِ تَا كُي نَادّيٍ رَ، وٌ سَ ﭑ مَ حَمَ شَ كِرَ رَقَلَ! وٌ عَ يَءِلَن، وٌ فّمّيٍ بَ كِرَيٍ رَ! وٌ شَ تْنشُمَ تِ سِيٍ بّ.
11عَلَتَلَ شَ مَسٍنيِ نَن يِ كِ دُنِحَ بّ، ‹وٌ عَ قَلَ سِيٌنِكَيٍ بّ، وٌ رَكِسِمَ نَ قَقٍ. عَ قَمَ وٌ سَرٍ رَ.›
12عٍ شِلِ قَلَمَ نّ ‹حَمَ سّنِيّنشِ،› عَلَتَلَ نَشَن شُن سَرَشِ. وٌ شِلِ قَلَمَ نّ ‹حَمَ قٍنشِ،› ‹حَمَ نَشَن مُ رَبٌلٌشِ.›»
