IKUƆ́ NÌÙBƐ̀ 5:4-9

⁴Kòò mɔù weè nùù mɛ nhò fítɛ́nɛ̀ kòò pɑ̀rìkɛ̀nɛ̀ mí nKuyie n yètìrì, bɑ́ ò í totí o yɛ̀mmɛ̀, kɛ̀ dɛ̀ boní kòò bɑntɛ́ ò tɔmɛ̀ dɛ kó mɛyɛi.

⁵Kòò tɔ dɛ kó mɛyɛi nkó mɛ̀mɑmɛ̀ ò dò nkɛ́ mɛ̀ dɑ́ɑmmu.

⁶Wèe tɔní fɛpenifɛ yoo tɛbɔniitɛ kɛ́ũtɛ́ dɛ kó mɛyɛi, kɛ̀ ikuɔ́ nìùtìi o dɔ̀ɔ̀ mɛyɛi ncĩ́ɛ̃́mmɛ̀ kó ikuɔ́, kóò dɛɛtɛ́nɛ̀ dɛ kó mɛyɛi.

⁷Kɛ̀ dɛ̀ dò nhòmɔù í mɔkɛ fɛpìèfɛ̀ yoo tɛbuɔtɛ̀ kɛ bo n féútɛ́ ò dɔ̀ɔ̀ mɛ̀ɛ̀ yɛi nkpɛ́í kɛ̀ nh ò cĩ̀ɛ̃́, wèe tɔní sinɔ́nkperípíɛ́ sìdɛ́sì yoo yɛkpɛtinɔ́nkperɛ yɛ̀dɛ́ɛ̀, kɛ́ n féútɛ́ tɛmɑ́ɑ̀ kɛ́tuɔ nkɛ́nféútɛ́ tɛtɛtɛ̀ ò dɔ̀ɔ̀ mɛ̀ɛ̀ yɛi nkpɛ́í kɛ̀ nh ò cĩ̀ɛ̃́.

⁸Wèe dɛ̀ tɔní kɛ́duɔ́ nyikuɔ́ nìùtì kòo ketɛ́ kɛ́féútɛ́ mɛyɛi ncĩ́ɛ̃́mmɛ̀ kpɛtɛ. Wèe ĩ́ṹtɛ́ tɛ fɔ̃̀níí ò mɛ mbɑ́ɑ́ tɔ̃tɛ tɛ yuu,

⁹kɛ́dɛitɛ tɛ yĩ̀ĩ̀ nkɛ́míɛ́tɛ́ diwũɔ̃tɔ̀nnì píkù kɛ́cóúnko mɛsɔmmɛ diwũɔ̃tɔ̀nnì fũ̀ɔ̃̀, mɛyɛi ncĩ́ɛ̃́mmɛ̀ kpɛtɛ ntɛ,