Levi 5:4-9

⁴“Na tahuna a bakovi tara i kaba tavula ni ratana a maki hale o ni ratana a maki kamumu, i uka ma i lohoka vona a naro hale i ratea. Na tahuna i lohoka vona, i tahoka a ngava.

⁵“Na tahuna a bakovi i lohoka vona i ratea tara naro hale maea, ge taki tala a naro hale vona ne BAKOVI DAGI.

⁶Ne vona ni koli a naro hale vona, a bakovi ge habia tara tuna sipsip o a meme ge a kinana, ge a nihabi na naro hale. A prister ge kavitagua a bakovi iea na naro hale vona.

⁷“Pali ia ge uka a moni ni kona a sipsip, ge bole a balu ge rua ge bole valai ne BAKOVI DAGI, ge vakalobo a maregoa vona. A balu tara ge a nihabi ni puga vuroki a naro hale, a balu tara ge a nihabi ni gutu-vuro.

⁸Ge bole lakea na prister ra balu nga, lakea a prister ge habi mugea tara, ne vona ni puga vuroki a naro hale. A prister ge horia a lohona balu, pali nahea ge rakudu talea a mapana.

⁹A prister ge voro tamali a darana popote na gagana dede. A darana ranga ge bole paru, ge guru polotano na dede. Ra balu iea a nihabi na naro hale.