Deuteronomy 18

4

6

7

8

11

17

18

31

34

⁹“Maranai kona riu kupura ami God e bereberimi wai, kega dam namai te mamana wai asi yawasa pudapudasi ba goyo tavetaveyisi koni boneboneisi.

¹⁰Kega kesana kamomi yai sina panani natuna sebare kona wasike raunabonabo tepanai keyama karakarasinai ina puyobunuwa, ini kairapu, ina yapune, ini kwerikweri, kona ini muwara,

¹¹kona te kawakawa kairapu ba raoboraobosi kanumisi te yoreyoeyore geyisi ba yoveyovesi ba banebanesi.

¹²Kotoi wata nikosi wose pudapudasi ina wose wai Bada kurina wai; si goyo saki. Ba nikosi wose goyogoyosi kairavina Bada ami God naomi yai dam ina kwabinisi sina kasibau.

¹³Komi Bada ami God matanai kega awaika kunumakina kona yauni.”

¹⁵“Ba komi kairavimi wai Bada ami God peroveta yauku rutainiku. Warewaresimi kesana kamomi yai ina yorei ba kona, ana sisiya kona nonori.

¹⁶Ba Sainai koyanai koi kesanimi wai Bada ami God koi babai maranai ko wona kata, ‘Kega Bada ata God gamona tana nonori kona niko keyama karakarasina tana kinana meyei, muri yai ba tana rabobo.’

¹⁷Ba Bada kuriku i wona, ‘Awaika si sisiyei wai i gaire.

¹⁸Yauku peroveta kesana Israel biyisi waresisi kamosi yai kom rutainim ana yorei, ba kawanai wonaku a kaotunei wai ereonowana pipiya ina wonisi.

¹⁹Ba kotoi wata wonaku niko peroveta kau wabai ini biyoneyonei ba kega ina nonora wai yauku ikesiku mom saroba ana berei.

²⁰Saba meo peroveta kega sisiya a wonei ba kau wabai e bisisiya, kona god mutusi kasi wabai e bisisiya wai ko kasibunui.’

²¹Saba memena bage kona wona, ‘Mekabage kana kuiri kata wara kega Bada i porai?’

²²Maranai peroveta Bada kana wabai e biyonayona ba wosena kega ina tupuwa wai, kona kuiri kata kona warana wai kega Bada i sisiya. Nao peroveta wai ikesina ana sisiya ba kega kona nagarei.”